كلمات ابتسم لي فهد بن فصلا
ابتسم لي والوله باين بعينه
مادرى ان القلب بغيابه تألّم
واعتراه الحزن من فرقا ظنينه
قال لي:وشفيك ساكت ماتكلّم؟
قلت له والصوت به نبره حزينه
:آنا من بعدك بعيني الكون ظلّم
من فقدتك دمعتي بعيني سجينه
اكتم جروحي بقلبي وما أعلّم
وانت تدري دمعة العاشق تدينه
جيت اكمّل لكن لساني تبلّم
يوم ضمّ ايديّ في راحة يدينه
قلت :هذا علم ولاّ آنا اتحلّم ؟
انحرج ثم قال وهو يمسح جبينه
:كلٍ بدنياه يخطي ويتعلّم
ومن دمح هالزلّه الله لايهينه
صح انا ماكنت اردّ ولا أكلّم
لكن ظروفي بهاليومين شينه
وانت قدّرني ولاامر اللــه سلّم
ومن بلاه اللــه يجزاه ويعينه ..
كلمات اغاني فهد بن فصلا ابتسم لي
غناء : فهد بن فصلا
كلمات : عبدالله بن عميرة
الحان : فهد بن فصلا