كلمات ابويا واحشني جدا اشرف فقيهي
محتاج رأيه في حاجات
اهمل في سؤاله عني
وماجاش من يوم ما مات
نضارته وساعته لسه
عالرف مكان ما سابهم
وهدومه جوه كيسهم
وجداد من يوم ما جابهم
نفسي اتكلم معاه
واحكيله عاللي تم
وهقوله مين في مرضة
زاره ونقله دم
وهقوله اني اسف
علشان خبيت عليه
وهقوله اني نفسي
لو يوم المس ايديه
واعمل له شاي خفيف
واقسم وياه رغيف
كان حضنه جامعنا لمة
كان صوته فيه ونس
وكتير بقعد معاه
واشكيلة مالحياة
انا عارف انه سامع
متأكد انه حس
ماهو برده الموت لايمكن
يقتل في الناس شعورها
ومافيش في الدنيا شجرة
تقطعها من جزورها
ومافيش في الدنيا راحل
الا وسايب وراه
واحد من صلبه شبهه
يدعيله في الصلاة
انا ابويا وحشني جدا
واحشاني معاه حاجات
بطلت اعملها واحدي
كلمات اغاني اشرف فقيهي ابويا واحشني جدا
غناء : اشرف فقيهي
كلمات : اشرف فقيهي
الحان : اشرف فقيهي