كلمات ابو تم وابشربي جفران بن هضبان
معاها انسجم وآعيش في عالم ثاني
و اردد ي سبحان الله الخالق الرزاق
عزيز الجلال وخالق الانس والجاني
ما مع ذكر ربي جل شانه تعب وارهاق
سكينه وراحة بال وآمال وآماني
حتى الخاطر اللي له حوالي شهر ما راق
يروق ويبدع من جديدات الالحاني
انا بيني وبين القصيد الجزل ميثاق
وحلف يشابه حلف يام وقحطاني
خيالي يصور لي ب دقه وبعد آفاق
من اشراف تفكيري وانا الهادم الباني
انا اسمي مهوب يزود بترند وبهشتاق
يزود اسمي بفعلي وتاريخ جداني
على المحفل اللي فالحسا لاح له براق
وجمع ربعي الغالين والضيف والعاني
سلامي على شديد سلامن من الاعماق
ابن مقيت كساب النعم عالي الشاني
كسب سمعتن عطره وطيب وكرم واخلاق
مع ربعه ومع قاصي الناس والداني
عشير النشاما اللي على الطايله سباق
ابو تم وابشربي سلايل كحيلاني
ولد شايبن فالمرجله والوفاء عملاق
مقيت الكرم يزهى قصيدي وقيفاني
وعمانه ال شديد اسم لمع شعاق
وخواله ال بنيان ذربين الايماني
من ربعي وربعي مجدهم ماعليه ارواق
مراكيضهم يشبع بها الذيب سرحاني
عزاوي هل السمراء لاشان النهار وضاق
اجبال رجح من فعلهم كل ميزاني
هل الوقفه اللي كل ما نشفت الارياق
عزاويهم امن الاحمدي لين نجراني
اباقول ابن عارج وباقول ابن خفاق
عزاوي تنومس كل يامي وعرجاني
قبل احزام امان الموتر وطلعة الارباق
نصادم ونفني خصمنا والعمر فاني
علينا يساق العلم لا بارت الاصداق
وتبشر بنا لامن دنا كل دياني
نسوق الصعيب الي معا غيرنا منساق
ويدرا زعلنا لارقص كل شيطاني
كلمات اغاني جفران بن هضبان ابو تم وابشربي
غناء : جفران بن هضبان
كلمات : فهد بن سيده العرجاني
الحان : جفران بن هضبان