كلمات احتزم يخوي احتزم سامح ال شيخ
حط النقط وبدا السطر
حنا ارجال ما يهمنا الخطر
حنا لا لا ما نعتذر
حنا ضربتنا للقبر
دك الخشم دك الخشم
الكل ع حده يلتزم
ايوالنعم ايوالنعم
حنا املوك وسلاطين
وقت اللزوم وقت اللزوم
حنا نيجي ندك الخشوم
نفعل وما نحسب حساب
وكل واحد فعله معلووم
احتزم يا اخوي احتزم
حنا بالعهد نلتزم
لو بالحرايب تلتحم
الموت ولا ننهزم
احويطات الكرم والجود
احويطات ما عليهم زود
ما يجحدهم غير الجحود
اللي من افعالهم مستظيم
احويطي يا زين افعاله
فالغاره بتلقي ارجاله
ع سروج الخيلي خياله
في وقت الشدايد تبين
عمراني يا اهل الكرم
والنعم بيكم والنعم
بالضيق دايم محتزم
يا ربعه اصغيرهم شهم
حنا الهيبه حنا الاساس
يارب عمراني ارفع الراس
يا كريم وراعي النوماس
يا ذيب مما مثله اثنين
ارجيلي يا عز وفخر
نشاما وقلوبهم صخر
يهلو ك هل المطر
وفضيق يمشو ع الجمر
ابو سويلم صقر شاهين
يا عيد يا نشمي وفطين
بالغاره اول الفازعين
بالضيق يسد عن ميتين
ابو محمد يا راعي الطيب
عن ربعه لا لا ما بيغيب
اللي ينخاه عمره ما يخيب
يحمي الدخيل من كل شين
ابو سويلم المرجله
ف سيناء ما حد يجهله
امحلي جيد بفعاله
ويرد الصاع بصاعين
احويطات يا ربع الهمم
مكانهم عالي فالقمم
عمراني وكافي الاسم
الهييه وسط الميادين
كلمات اغاني سامح ال شيخ احتزم يخوي احتزم
غناء : سامح ال شيخ
كلمات : سامح ال شيخ
الحان : سامح ال شيخ