كلمات احساس فرقا مشعل الشهراني
جيّتك طبّ المعنّى والوجع ربّع بروحي
ويعلم الله من فقدتك خاطري بالحيل ضايق
ماكفت ذكراك عنك ولا تريحني جروحي
ومن نشدني كيف حالك قلت له طيب ورايق
والعهد فالبال رايق قبل غيباتك تلوحي
والبلا تعرف طبوعي صدّتك لوهي دقايق
ماستريح الا ليا أقبل راعي الوجه السموحي
وين ليلٍ كان بك يزهى ولا للوصل عايق
وكلّ حرفٍ لانطقته صار به فكري سبوحي
مير حظ الحب شان ولا صُدف ولا طرايق
تجمع القلب المشقّى براعي الطرف الذبوحي
ومن بعد فرقاك ماني للشعر بالحيل طايق
الشعور اللي ماصيغه بحضرتك ماهو طموحي
والهجوس اللي سرى في وصف غيرك غير لايق
بيت مايبنى عشانك جعلني به ما أبوحي
ومابقى الا إحساس فرقا فيك مشعل بي حرايق
ذكرياتك هي حطبها يامن بشوفك شحوحي
والعنا لن كان هبت من شمال يجيك سايق
النسيم بعطر أعرفه من زهر خدّه يفوحي
ويامجافي لو تبي من صاحبك كل الحقايق
ماهوى يشبه هواك وما مثل صدّك فضوحي
قبل بُعدك لوّ روحي في مصايبها غرايق
مايبيح السد منها مايواسيني النصوحي
خاطري للفرح والله والسعد ماهو بذايق
وينه ووين السعادة دامه اعجبك النزوحي
كلمات اغاني مشعل الشهراني احساس فرقا
غناء : مشعل الشهراني
كلمات : غير معروف
الحان : غير معروف