كلمات احلام عمري عمر غزاي
صوتي من وجيه السنين اللي تحد انيابها
وطاحت مع دموعي وجيه احباب واصحاب وهفت
من بعد ما كانت بعيني عالي مرقابها
احلام عمري في عثا دربي على كتفي غفت
والنفس طابت من تصبرها وصد احبابها
روحي على درب المحبه من شغف نفسي حفت
تسبق خطاويها واسابقها على غيابها
يا غايبه وخزانة الفرقا من الشعر اكتفت
تعالي وشوفي جروحي والوجع ينتابها
سالت على دفتر قصيدي شمعة اعجاب وطفت
وطارت ابابيل القصايد تلتحق ب اسرابها
الضيق خيم بالضلوع وغيمة الحزن ذرفت
وهمومي امست في فضا صدري تشد اطنابها
ومن الغيوم اللي بها احبابي سما العاشق صفت
واضفت سحايب في فضاها خيلت ب اغرابها
لولاك ما اهتز القصيد ولا الاحاسيس انزفت
ولا عيوني من عنا الصدمه ترف اهدابها
عن نوم عيني لهفة الغفوة من افكاري جفت
واستقبلتني سنة العاشق على محرابها
لو كان قلت انساك من فمي ترى عيني نفت
خانت عناوين المحبه ما حوي بكتابها
انا اسير الكلمة اللي قلتها يوم طرفت
اكذب عليك ان قلت لك بـ اني حسبت حسابها
كلمات اغاني عمر غزاي احلام عمري
غناء : عمر غزاي
كلمات : محمد البندر
الحان : عمر غزاي