كلمات اخطيت يا قلبي عادي الدوسري
السود فالي ........... والصدر فيه ونه
جازيت وصلك ... بالجفاء يوم مديت
وقطعت كفٍ ........... للمواصل تعنه
مدري علام البخت ......... ولا ترديت
ولا ظلام الليل ............ ارخى الأعنه
هلت عيوني دمعها ......... يوم قفيت
عجزت محاجر .......... جفنها يمنعنه
وشبيت لك عوج ...... الحنايا بكبريت
وحيضان جاشي ...... بالحشاء يلهبنه
درب الموالف ..... ياعرب يوم حبيت
صكات بقعاء ....... في المهد يذبحنه
ونيت من صوتٍ ..... صداه التناهيت
كم واحدٍ ............. تخلف لياليه ظنه
أذوق طعم المُر ..لا اصبحت وامسيت
و همي بوسط القلب ........ دايم اكنه
وانا بعد ............ من دنيتي ماتهنيت
يكفي جروحٍ ......... بالخفاء مستكنه
عمري قضى ...... بين التمني وياليت
وما كل شيءٍ ........ يجي على ماتمنه
اكتب واسلي خاطري ... لو ماتسليت
والشعر يطرب مسمعي ....... لا تغنه
وجال المراجل اسلكه .... دون توقيت
ورزقي على الله ....... مالحد فيه منه
ماينحني راسي ..... وانا عالي الصيت
مثل الجدي واسهيل ...... ابد ماتدنه
اسمع وافطن .. وخل عنك الحتاحيت
الحكي طبع ...... وحسن الاصغاء فنه
قدمت لك عذري ... وادري انا اخطيت
ودمح الخطأ ......... بين المحبين سنه
معلومات الاغنية
كلمات :
عقيل حسن
الحان :
عادي الدوسري
هندسة وتوزيع :
حسام البجيرمي
فوكل :
هاشم الحسني
تصميم :
سند - SANAD
كلمات اغاني عادي الدوسري اخطيت يا قلبي
غناء : عادي الدوسري
كلمات : عقيل حسن
الحان : عادي الدوسري