كلمات اخير النهار منصور بن خالد
ومعنق جاعله ربي ربع طولها
تلتف به حولها من كل صوب ومدار
ماهي بحاجة مرايتها ومن حولها
لها على كل عين طالعتها قرار
وشلون باللي يعزل الجمر من لولها
خلوني اروح معها من دمار لدمار
انتو لو انكم مكاني كان رحتو لها
حتى الهبايب تنازعها يمين ويسار
تقول ما قد لقت زول مثل زولها
متجليه مستكنه مثل اخير النهار
اللي طلب من مغيبه لون مجدولها
ان بينت كل خلق الله عليها تغار
واليا اختفت كل شارد ذهن مشغولها
على الخوافي تساعدها العيون الكبار
تسرق من احساسي الكلمات وتقولها
اخاف من دمعها خوفي من الانكسار
واطرب على صوت ضحكتها ومفعولها
احب ضحكاتها واحس بالانتصار
على ثغرها ليا ابتسمت ومعسولها
تستاهل البال والتدليل والاختيار
اللي يلوق لمحاجرها ومنتولها
قالت وش اجمل قصايدك الغزل باختصار
قلت ابشري نص ساعه بس واقولها
كلمات اغاني منصور بن خالد اخير النهار
غناء : منصور بن خالد
كلمات : ناصر مناحي
الحان : منصور بن خالد