كلمات ارجع مثل ما كنت عبدالله الزرعي
كبر الخطا نـزل بعيني مكانك
لا تقول حـدتك الظروف وتعثـرت
حتى كلامك ما وقف معـك خانك
بين الكلام وبين نظراتك إخترت
أصدق عيونك وأكـذب لسانك
اخطيت في حق المواصل وقصرت
ونويت تفصل عن كياني كيانك
عرفت تنساني ياليتك تذكرت
قلبن عطاك الشوق كله وصانك
ما كني احييت المحبه وعمرت
ورفعت مقدارك وعليت شانك
هذا انت جيت اليوم لكن تأخرت
واللي عليك إنـك تواجه زمانك
شفتك بعد حر المفارق تجمرت
وما فادك عنادك ولا عـنفوانك
وشلون طاوعت الغياب وتكبرت
وأنا قبل غاليك و أمـنك وأمانك
لا تطلب وصالي تراني تكدرت
ماعاد أبي قربك وطاري حنانك
أنا متغير صح لإنـك تغيرت
إرجع مثل ما كنت وأرجع عشانك
كلمات اغاني عبدالله الزرعي ارجع مثل ما كنت
غناء : عبدالله الزرعي
كلمات : ماجد لفى
الحان : عبدالله الزرعي