كلمات ارمى خوفك مي عبد العزيز
حاسس انك مش كفايه و مش مهم
مبقتش عارف عايز ايه و ازاي هتوصل
و الطريق مليان شكوك و مفيش امل
ميهمنيش اللي فات كان إيه
يهمني هتكون مين في اللي جاي
امسك قلم و اكتب بدايه قصه شجاعة
و من اول صفحه هتكون عينك علي الهدف
لو وقوفك عن حلمك
لو قالولك تستلم
اقطع حبال الضعف
و خلي كلام الناس وراك
ارمي خوفك و كمل
مهما الدنيا جت عليك
هدفك قدام عينيك
و ف يوم و ليله هتلاقي نفسك
و صلت
بص لنفسك امن بيها و اقبلها
دي مفيش حاجه ثابته علي حالها
ثقتك بنفسك لو نابعه من جواك
حتوصل حتي للي مش عارفك
اسمعني
إياك في يوم تحس انك مش قدها
حب نفسك قبل ما اي حد يحبها
اصلك بشر مخلوق عشان تسيب اثر
هيحاربوك عشان مختلف ما العقول دي متربه
ايام هتكون مش قادر خد وقتك و ارجع اقوي
أفكارك هي سلاحك اعرف ازاي تملكها
الطريق للتغيير طويل محتاج طاقه و معافره
و انت قدها.. يا بطل
كلمات اغاني مي عبد العزيز ارمى خوفك
غناء : مي عبد العزيز
كلمات : غير معروف
الحان : غير معروف