كلمات اسكندرية احمد منيب
يا ريت ينوبني من الحب نايب
تحدفني موجة على صدر موجة
والبحر هوجة والصيد ما طايب
اغسل هدومي وانشر همومي
علي شمس طالعة وانا فيها دايب
كاني فلاح من جيش عرابي
مات ع الطوابي وراح في بحرك
كاني نسمة فوق الروابي
م البحر جاية تغرق في سحرك
كاني كلمة من عقل بيرم
كاني غنوة من قلب سيد
كاني جوه المظاهرة طالب
هتف باسمك وراح معيد
يا اسكندرية يا مصراوية
على سن باسم
على ضحكة هلة
البحر شباك ومشربية
وانتي الاميرة ع الدنيا طلة
وفيكي خمري يا اسكندرية
سلمت امري يا اسكندرية
مقدرش اشوفه
وما اغنيلوش
يا اسكندرية عاشق وبدي
ارتاح في حضنك الود ودي
يكون كلامي عربون غرامي
وبالمحبة ناخد وندي
يا اسكندرية فيكي الغلابة
ع الرزق يسعوا ولا يناموش
نزل شبكهم في بحر طامي
طلع شبكهم على فشوش
وفيكي بين البشر ديابة
وفيكي فوق البشر وحوش
وفيكي ناس مغرمين صبابة
لو خان زمانهم ما بيخنوش
وفيكي خمري يا اسكندرية
سلمت امري يا اسكندرية
مقدرش اشوفة وما اغنيلوش
كلمات اغاني احمد منيب اسكندرية
غناء : احمد منيب
كلمات : احمد فؤاد نجم
الحان : احمد منيب