كلمات اشرقي عبدالعزيز العليوي
تحت راية تميم المجد ليلك نهار
كن غيمك بخور و كن بحرك عطر
و كن برك ذهب صافي من اعلى عيار
خلي الحاسدين كبودهم تنفطر
كل شي فيك يسمو مع نجوم المدار
فيك مابه نزول الا نزول المطر
رغم ذلك تواضعنا تواضع كبار
لا يهمك ولا يطري عليك الخطر
يطري الامن والامان والازدهار
روسنا الشامخة دونك و تقدح سطر
دونك و دون حكامك نبيع العمار
ندخل الحرب كنه يوم عيد الفطر
لذة الموت والا لذة الانتصار
لو قدرت اختصر مشاعري في شطر
يالتميمي عمار وياوطنا عمار
كلمات اغاني عبدالعزيز العليوي اشرقي
غناء : عبدالعزيز العليوي
كلمات : فالح محمد المظافره الهاجري
الحان : عبدالعزيز العليوي