كلمات اشعلوها ولعوها نادر الشراري
واجتمعنا وجمعنا ياقوه
باعتزاز وباحترام الخوه
اشعلوها وولعوها الليله
يالحضور اللي تعدل الميله
انتم المعنى وطرق الشيله
من نصانا يبشر بمطلوبه
نرتكي له ونتوجه صوبه
حافظين لضيفنا ماجوبه
دون شانك يالرفيق الغالي
والله ان حالي يسابق مالي
لاجلك احذف غترتي وعقالي
الخوي مالي عذر من دونه
اتعنى لجل اشوق اعيونه
العلاقه بيننا مرهونه
لاتضايق من كلام العالم
العتب والنقد والم والم
وسع الخاطر وراسك سالم
اتنومس بالخوي الطيب
لازهمته قال طيب طيب
والبعيد اصبح علي قريب
في علوم الطيب ميه ميه
وقفته حيه وناره حيه
طيب السيره وطيب نيه
سامح المخطي لاقدم عذره
مايبيلك يالسنافي خبره
الحياه اصلا دروس وعبره
كلمات اغاني نادر الشراري اشعلوها ولعوها
غناء : نادر الشراري
كلمات : مناحي ابن عسعوس الشهراني
الحان : نادر الشراري