كلمات اضحك بوسي
م الهمّ ارتاح أوِّل بأول، مش ناقصة ومش محتاجة
هيّا بجد معقربة خلقة هتكشر تبقى سذاجة
فكّها ياللي انت مأفورها وبلاش تفضل تتكلِّم
متركزش وعيش أيامك مش طالبة نكد يا معلِّم
و ارمي حمولك ع اللي خالقنا، لينا رب وربنا هيسلِّم
ريّحينا بلاش تتعبينا وتاخدي بإيدينا م الدار للنار
اعتقينا يادنيا ارحمينا ياريت، فهمينا آخر المشوار
سايقة فيها قوي، مزوّداها قوي، وكلّ ده وعادي بقى راضيين
نشتكيكي ومهما نداديكي ياعيني عليكي ملكيش غاليين
ع الحلوة و ع المرّة اتعوّد وآهي أيام بنقضّيها
لو طعم الدنيا معاك سادة بايديك انت تحلّيها
وان ضاقت بيك ميّل على اخوك، الناس برده لبعضيها
متشلش ف قلبك ولا تندم ولا تزعل ولا تتغيّر
و الحظّ ان كان لسه معاندك مسيره ف يوم يتغيّر
على ايه هتضيّع أيامك؟ عيش وافرح ده العمر قصيّر
ريّحينا بلاش تتعبينا وتاخدي بإيدينا م الدار للنار
اعتقينا يادنيا ارحمينا ياريت، فهمينا آخر المشوار
سايقة فيها قوي، مزوّداها قوي، وكلّ ده وعادي بقى راضيين
نشتكيكي ومهما نداديكي ياعيني عليكي ملكيش غاليين
كلمات اغاني بوسي اضحك
غناء : بوسي
كلمات : غير معروف
الحان : غير معروف