كلمات افزعوا يا يام صالح اليامي
يا قلم لا توقف لو تجف المحابر
امدح اللي تقدم عن زحول صتايم
واسمه اللي بليا مدح ماهوب عابر
من هجوسي وانا شاعر ولانيب هايم
ابدع القاف وانصا المدح روس الاكابر
انت فراج ابن حجرف قوي العزايم
ما تضيع الحقوق ولا تضيق المعابر
وانت قرم تعد الحق والصدق دايم
صوت حق تعلا في جميع المنابر
لو غيرك لسانه عن هل الحق صايم
والله انك كفو و الاش مقطوع دابر
وقفتك ما لحقها يالكفو لوم لايم
تجبر الكسر فالوقفه و للكسر جابر
دون وجهك وجاهك قمت والحظ قايم
تجتهد في لزوم الطيبين و مثابر
انت يا صقر ياللي في سما الطيب حايم
و كل رجال عن وقفتك داري و خابر
افزعوا يا يام دونه يا عصابة راسي
ان قاله الله فالك التوفيق يا طير الفلاح
وفي مجلس الامه نشوفك يا زبون المرجله
يـ الناجح اللي يا عسى دايم يحالفك النجاح
واللي سواتك رقمه الاول و حاز الاوله
يمناك سيف مثل سيف الحرب ولسانك سلاح
اتعدل اللي ما اعتدل وتقص راس المشكله
يـ مشرف العجمان وفعولك مثل نور الصباح
ما فيه شي ينومس الا يالسنافي تفعله
واليا احتزمت بـ يام تارد بك على العد القراح
يام العريقه كل قرم للمراد توصله
يا يام وقفتكم نبيها تسبق هبوب الرياح
واللي وقفتو معه يبشر بالسعد والفوز له
يستاهل التصويت فرج الكفو ابو فلاح
فراج لا منه وقف في كل موقف جمله
واليوم هذا يومكم يا يام مروين الرماح
ولا تخلونه لا جاء الموقف رفيع المنزله
معلومات الاغنية
افزعوا يا يام
مهداة للمرشح فراج فلاح الحجرف
كلمات عبدالهادي بن حمد المري
اداء صالح اليامي
كلمات اغاني صالح اليامي افزعوا يا يام
غناء : صالح اليامي
كلمات : عبدالهادي بن حمد المري
الحان : صالح اليامي