كلمات الادمي نياف تركي
مقابيس سوّن تاخذ الحكي وتهلّه
على خافي احزاني زلجت الضماير زلج
وماحل في حالي على خالقي حلّه
انا مولعً بالزين بيني وبينه ولج
شفوقً على حب الشرف متبع الزلّه
تجاوب ضلوعي كن بالصدر لجّة خلج
ضيارا وغادن ضيرهن ليلهن كله
على اللي غرامه حط بين الضماير فلج
جبرني غلاه اطيع له واتنازل له
ليا اوحيت هرجه صار هرج الخلايق سلج
وليا شفت زوله قلت الادمي شبيهن له
لو انه تخطى بالقدم فالفياض البلج
لقيت الآدامي فالمرابع تعين له
ينسّف ورى متنه تماديد سودً دلج
مقاديم موجً هاديً مظلمً ظلّه
هضيم الخواصر والردايف زوايا حلج
لطيف الحشا جسمه عليلً بلا علّه
ليا فك جيبه كن بالصدر قالب ثلج
يموت الجمال وهو جماله على حلّه
كلمات اغاني نياف تركي الادمي
غناء : نياف تركي
كلمات : عشق بن مضيان السليس
الحان : نياف تركي