كلمات الاد المحنا جفران بن هضبان
ابيات منظومه بحبك وجزايل
تنصى هالطاله رجال المروات
اهل المواقف معدلت كل مايل
لا احتك عود بعود في كل حزات
يجونك اهل الفعل واهل الصمايل
فعولهم طالت جبال السروات
وامجادهم من فوق قب الاصايل
اهل الشدايد عاشقين الثقيلات
ميقافهم محسوب والكل قايل
شالو حمول الوقت لوها عسيرات
وعندي وانا بعطيك وقع ودلايل
تحزمو لـ عبيد في بضـع ساعات
ثم قفلوها كاسبين الجمايل
الاد المحنا كاسبين الجزيلات
فزعاتهم تشهد لهم بـ الاوايل
رجال وقفتهم بكل المهمات
تشفي كبود اللي بلته الهوايل
حنا هل الامجاد في كل وقفات
وحنا هل التاريخ بين القبايل
وحنا هل الفزعه لاجات الصعيبات
وميرادنا الجزله مانرضى الهزايل
اهل الشجاعه والكرم والبطولات
منزالنا معروف في كل نايل
لامن غدى بالوقت عوجه وميلات
نارد حياض الموت والدم سايل
واليا انتخو فينا البني العفيفات
العلم ياضح والدلايل فعايل
وفـ باب العراقي سجل الوقت بصمات
والشرف ردوها في عز القوايل
الاد المحنا والصعايب سهالات
يوم العرب مابين صايل وجايل
ومطير ربعي متعبين الاصيلات
وتاريخهم معروف بين القبايل
انشد عن المطران في كل الاوقات
افعالهم تضرب عليها المثايل
كلمات اغاني جفران بن هضبان الاد المحنا
غناء : جفران بن هضبان
كلمات : عادل بن سعود المحنا
الحان : جفران بن هضبان