كلمات البال ضايق محمد العلي
والفكر يسترجع الماضي وانا مانيب داله
اتخيل مع شريط الذاكره بعض الحقايق
والعمر رحله نهايتها العقل عقب الجهاله
كل ما احلم واتمنى صار بين الحلم عايق
والحياه احلامها صعبه ولاهي بالسهاله
الضروف اتحطنا في موقعً ماهوب لايق
والسنين تلفنا مثل الرشا فوق المحاله
المزاج احيان متعكر وبعض احيان رايق
وايتبدل باتصال وينطرب بعد الرساله
الصدر محتاج كلمه خص لاصار امتضايق
يبتهج ويخف عنه الشوق لافاحت دلاله
وده ايدور على السلوان في شتى الطرايق
ولا لقى غير الندامه منغبن حالته حاله
والوصل شيً ضروري يجعل المشتاق فايق
مثل براقآ يشوفون الحيا جا من خلاله
يحيي الارض السناويه وتنفك الغلايق
يامره رب الملا ويهل وبله من خياله
والهجر يشعل بقلب المهتوي نار الحرايق
المحب الصادق العشق الحقيقي راس ماله
والصحيح اللي موثق بالادله والوثايق
من يحب انسان ثاني صعبه ايدور بداله
ماتغيره السنين ولا يشوف من الخلايق
غير زولآ كل مايمسي ويصبح في خياله
معلومات الاغنية
البال ضايق - محمد العلي
كلمات: جميل العتيبي
اداء : محمد العليي
كلمات اغاني محمد العلي البال ضايق
غناء : محمد العلي
كلمات : جميل العتيبي
الحان : محمد العلي