كلمات البراق حامد الضبعان
قصيدة كلها ملح وجمال وهيجنة وافي
.
تجيب الروح من خافي ورقها وتنثر الاوراق
صبغها حبر مرسول الشهامة واشتهر قافي
.
على مرأى على مسمع من اللي يستحق التاق
انادي يا ترند القافية لا تستر الخافي
سما يا مشعل قحطان شمس مابعدها اشراق
سما يا مشعل قحطان نجم يروّع الغافي
.
سما وشوفوا سحاب سعود، عفواً قصدي البراق
لأن سعود يرسل غيمته وتهجّد السافي
.
تلوموني بسرعة جيتي للمنهل الدفاق
كذا طبع البدو لا وجهو للمنبع الصافي
يخيلون ويروحون ويجون ويتعبون الساق
أجل وشلون لو جتهم سحابة خيرها ظافي
.
قسم بالله لولا الله ثم سعود ابو الميثاق
طويل الباع كساب الجميل المثبت النافي
.
عريب الجد مزبان الدخيل متوق التواق
لعزي كل من يمشي على ظهر الزمن حافي
هنا مبدا قصيدة تنتهي مع قلبي الخفاق
لاوالله تبتدي ما تنتهي لو قبري لحافي
.
تعديني مساحات الظلام بصوتي المنساق
على الشمس وعلى النجم وعلى البرد وعلى الدافي
.
انا مهما يقولون العواذل جيت لك ورّاق
أصف من الورق وأكتب قصيد يقوي أكتافي
كلمات اغاني حامد الضبعان البراق
غناء : حامد الضبعان
كلمات : سعد بن عقيل الشمري
الحان : حامد الضبعان