كلمات الثار احمد الساعدي
الزلم حاضر ونته تفصال
مو فصل هو الثار ويطيح
ماشيلهم واتهدل هدال
أربعه اوين اليشبه العيد
لزمو الحد بلا تجانيد
بيوم الوفه ركضو عراريس
ويه ابو مهدي الإيد بالإيد
ماترهم بحلگي التواسيل
كون القواعد باجر تشيل
لا مايرد منهم ولا طير
كِتبو على الضلو مچاتيل
ولدك علي ودگينه الصدور
نگطع الموت ونوگف گبور
شيصير صبرك يابو آلاء
يوميه گلبك ضهره مكسور
مثل الرصاص وحِطنه عالنار
قالبنه واحد زلم تگدار
بتابوتهم چلمتنه بسمار
وناقص وفه الماياخذ الثار
عفنه الهله وگلبنه الجدور
مثل السحر دفنوه بالگبور
مو شيلة أمي خلصت انذور
چني هِدِم عالگبر مشمور
عد يافريضه طلابة الموت
نحلها ونِرِد بيكم للبيوت
ثگلت چفافينه من الدموع
عالچتف رتبه وموش تابوت
معلومات الاغنية
الثار
احمد الساعدي
كلمات اضل حسن
الحان علي الدلفي
تصوير محمد السيلاوي
تم التسجيل في شركة
R.S_STUDIO
كلمات اغاني احمد الساعدي الثار
غناء : احمد الساعدي
كلمات : اضل حسن
الحان : علي الدلفي