كلمات الحر النداوي راشد بن عامره
على ضوكم شاعر يغني مواويله
سرت به هواجيس العنى والعرب هجاع
ومن ضيقته في الصدر يشرح تفاصيله
تغير عليه الجو واتغيرت الاوضاع
بسجنن تضيع الصاحية مع مهابيلة
نشاهد مواقف من يشاهد لها يرتاع
تكف المطر لامن نشت به مخاييله
وطرا لي رفيقن خوته عز ماتنباع
ومن واجب الخوه مانقطع مواصيله
فسلامي على الحر النداوي طويل الباع
على سالم الي جاير الحمل يركي له
من شيوخ قحطان الدهايا كفو فزاع
كريم اليمين الي ماتبرد معاميله
ليامن زهمته في لزومك يجيك بساع
مايترك رفيقه لين ياقف على حيله
مجمل يابن حثله جميلك معي ماضاع
ومن قدم المعروف يجني محاصيله
مدحتك يابو ظافر ومدحي علي لسناع
ياشوق العفاف الي بعيده مجافيله
وانا الحال شل السجن منه ثلاث ارباع
حرمني من الي يفهق الهم ويشيله
غزال الوضيحي يوم شحت عليه القاع
هجر ديرتن كانت من اول مداهيله
خياله وسط عيني ويرتع ورى الاضلاع
وقد لي ثلاث سنين فاقد مراسيله
فمرد الظروف تزين ياقلبي الملتاع
وتنسى الزمان الي دهاك وغرابيله
معلومات الاغنية
قصيدة مهداه الى الشيخ سالم بن ظافر بن حثله القحطاني
كلمات الشاعر هادي العجمي
اداء راشد بن عامره
كلمات اغاني راشد بن عامره الحر النداوي
غناء : راشد بن عامره
كلمات : هادي العجمي
الحان : راشد بن عامره