كلمات الحشيم هزاع
له وجود وذكريات بكل يوم
في خيالي دوم ذكره ما يغيب
وفي غيابه حاضر فالقلب دوم
شربته كالماء من عذب الجليب
كان ذقته زال مابي من هموم
كن ذوقه من عسل نادر مذيب
بين در وسط شفتيه امحشوم
يعل داره من وبل غيث صبيب
يسقي ترابه وذكر له يدوم
لين سيح ورمل يزخر بالعشيب
وتورد البدوان في ذيك الحزوم
له نزور برنج في صوته قنيب
ذيب ضاوي عالمفالي له عزوم
يقدم الدله وتمر وريح طيب
وثار بالترحيب بشموخه يقوم
ويل حالي منه ابوخصر جبيب
عز ظيفه وقام بما به لزوم
الحشيم ابن الحشيمه لي نصيب
واقع ماهو من اضغاث الحلوم
كلمات اغاني هزاع الحشيم
غناء : هزاع
كلمات : علي بن سالم الكعبي
الحان : هزاع