كلمات الحقيقه لا يغطيها الخجل فتى رحيمه

الحقيقة لا يغطيها الخجل .. لا يموت الحب في الصمت الرهيب

من سكوتك خافي الجرح اشتعل .. وضح الاسباب يا اغلا حبيب

اطرد الياس المخيم بالامل .. عل جرحً وسط خفاقي يطيب

لاتفكر قدر حبك ما نزل .. لو تغيب بعيد طيفك مايقيب

ارحم اللي من سبايبك انقتل .. جرح قلبه ما يداويه الطبيب

صابر لجلك على كل العلل .. راضيً لو هو على صالي اللهيب

لو بعد تعلم عن اللي قد حصل .. كان تشكي للبعيد وللقريب