كلمات الحوت جفران بن هضبان
عندي عليها حنكتن واستطاعه
شاعر ومبدع في جميع المجالات
واجيب ما يذهل ويطرب سماعه
ومدح الردي مثل الصفا بالمسيلات
ما هيب تنبت خلطة الشعب قاعه
ولا السنافي تفتخر فيه الابيات
تسما وتعلو لين حد ارتفاعه
طرا علي سعدون حماد ثم جات
تطمع على ذكره ومدحه اطماعه
حان اللزوم وقررو الانتخابات
وكلن حشد في بيت ولا بـ قاعه
والحوت عايم في جميع المحيطات
يفرق على باع الرياجيل باعه
سعدون ابن حماد حل الصعيبات
ماهيب تقصر بالمواقف اذراعه
اهني اهل الثالثه فيه بالذات
والي لهم فيها اربوع وجماعه
عزن لـ اهل الاصوات لا جاته اصوات
ما باعهم لا فاز بيع البضاعه
هو سعد من جاله من الوقت صكات
وهو سعد منهو لايع الوقت لاعه
كفه مثل سكب الموزون الغزيرات
وراسه يفوح امن السطر والشجاعه
ومجلسه لـ الضايق مجمع وزارات
على مدار اربع وعشرين ساعه
اخصامه الحيين بعيونه اموات
ما شافهم لو في جهاز الاشاعه
ولا صار بالمجلس نزاع وصراعات
اليا قدم ما ينهزم في صراعه
واليا تكلم في بنود وقرارات
ماهوب يسمع غير سمعن وطاعه
اعتيبي فعله يوقف حكومات
ايوطي العايل ويغسل اشراعه
الـ كل شي عنده ردود واثبات
للفعل فعل وللكاعه لكااااعه
الصوت له مكسب ونصر ومسرات
وضلعن متين وقو باس ومناعه
والحق مثل النور في كل الاوقات
ما همشت سود الليالي شعاعه
مهداة للمرشح سعدون حماد العتيبي
كلمات سعد الهويدي
اداء جفران بن هضبان
كلمات اغاني جفران بن هضبان الحوت
غناء : جفران بن هضبان
كلمات : سعد الهويدي
الحان : جفران بن هضبان