كلمات الدماسين الاكارم جفران بن هضبان
عالم عد الخلايق وما فصدورها
منزل سورة تبارك وطه والمسد
ما يحمل كل نفس سوا مقدورها
رافع سبع السماوات رفع بلا عمد
يحيي ارض طالت ايامها بدهورها
هاجسي دايم على ذكر ربي يستند
ما يجيب الا النوادر وعذب بحورها
مع دخول الوسم والهاجس يدور هدد
كثرت الافكار في مزدحم طابورها
والله اني في جزيل القصايد معتمد
والقصيدة لا حضرت وافيه بحضورها
عقب اللي لا احتمى كل ميقاف يهمد
واترك اللي فكره مع البني وشعورها
واحد ما يحتمي جعل عينه للرمد
المواقف ماتبا اللي قصار شبورها
من يقدمني وانا اخوه يبشر بالسعد
الحمايا والمواقف عليه دورها
مرحبا عد السحاب ومطرها والبرد
مرحبا ترحيبة زايده بسرورها
مرحبا واعداد من يشكر الله ويحمد
مرحبا ثم مرحبا يستدل بنورها
مرحبا في محفل محمد الحر السند
الصعايب في يمينه تهون امورها
قلتها عن ذخرنا جعل عمره في زهد
واهبه ربي لخلقه يفك عسورها
كم كسير لا نصا مساعد القوبع ورد
سمعة فالعز دايم تطيب عطورها
من ذخاير لابة جابو المجد بجهد
لابة في كل طاله تبين صقورها
الدماسين الاكارم وماضيهم شهد
يوم الاعوام القديمه يبس حنجورها
الدخيل يعيش في ظلهم عيشت رغد
يامن بدنياه بعد الهموم وجورها
والعدو يلقى زحول تورده اللحد
البلاوي تبغي اللي يفج نحورها
ويوم عم الامن والشعب واحد متحد
فالامور الكايده يستدل بشورها
كلمات اغاني جفران بن هضبان الدماسين الاكارم
غناء : جفران بن هضبان
كلمات : عبدالرحمن القوبع
الحان : جفران بن هضبان