كلمات الدمعه حمد سالم العامري
وانت رايح جت معايا تودعك
لين طاحت مني كلها ما تبيني
من غلاتك ودها ترحل معك
هذا قلبي هذي عيني ذي سنيني
ما يبونك ترحل وكيف اقنعك
حتى روحي واقفة بينك وبيني
لا هي عندي ولا هي تقدر تمنعك
خذتني كلي انا وش باقي فيني
خايف اوقف والقى ظلي يتبعك
روح وسافر بس طلبتك يا ضنيني
عالاقل لو ما اشوفك اسمعك
روح وسافر بس توعدني تجيني
وانت سالم للي ينطر مرجعك
اما عني روح ولي رب يعيني
والله يعلم كيف حال مودعك
صرت احسد من كثر شوقي وحنيني
حتى هذا الخاتم اللي فاصبعك
كلمات اغاني حمد سالم العامري الدمعه
غناء : حمد سالم العامري
كلمات : سعيد بن دري الفلاحي
الحان : سعيد الكعبي