كلمات الراكب بهم يزبن المضيوم ماجد الرسلاني
رجل صخي تسعد علومه
كريم ومقدر ومحشوم
عند الاجناب وبعد قومه
سلام مني وفاء ملزوم
في مدح من ترجح عزومه
يانسل صيت وشرف وعلوم
سارت مع الناس مختومه
ابوك يزهى المدح ويقوم
في واجبه تنومس علومه
عبيد بن ساير ومرحوم
زين النباء وشيخ من يومه
والفارس جدك يدك القوم
جازي وشلفاه مسمومه
على حديباء جفاه النوم
خيالها تطيع تعلومه
واخوه محمد قوي عزوم
فارس على الخصم به زومه
ومن نسل جازي طلع زيزوم
ناصر عقيد على قومه
واخوان ناصر دهايا دوم
كلن قضاياه محسومه
جغيثم فعله عليه ختوم
لحاله كفى جاره بيومه
رجع حلاله مع المقسوم
راح العدو ينقل سهومه
وبالواجب السامي المعلوم
مع المؤسس بملزومه
ساير ومناور عداهم لوم
مع الوطن تدحر خصومه
على العبيات فيهم زوم
يوم الميادين مزحومه
الراكب بهم يزبن المضيوم
افعال بالشعر منضومه
كلمات اغاني ماجد الرسلاني الراكب بهم يزبن المضيوم
غناء : ماجد الرسلاني
كلمات : مقبل بن نمران
الحان : ماجد الرسلاني