كلمات الرجال الحلاحيل جفران بن هضبان
وفي كل عام مطور عن اخوانه
معدل عن وارد العام تعديل
قبل يرد نشوفها في اعلانه
وجهه يزيده قدر حشمه وتبجيل
وجه اوضح عليه تردم دنانه
عند ابلج يعرف حقوق الرياجيل
كل الياجا سهيل ينزل وزانه
ممشاه من دار الرجال المشاكيل
من دار حرب اهل الوفا والمكانه
من عند وضح يبعد المنازيل
على هواهن ماضر بالاهانه
يمشي قبل عليه لايمسي الليل
منصاه دار حبها معنا امانه
وانا ماابدل رفقة الطيب تبديل
والرجل تمسك هرجته من لسانه
كله لجل من يذبح الحشو والحيل
والرفقه اللي عندي الها مكانه
لجله نسوي للمواعيد تاجيل
وعن دعوته مافيه عذر وميانه
حجاب من روس الرجال الحلاحيل
ذوي هلال ورافع الله شانه
راعي هلا واقلط ع العود والهيل
وصينيتن للحشو فيها مكانه
من فزعة تعرف على الجيش والخيل
دلابحه مجد موثق بيانه
عدوهم والله مايمرح الليل
ولا يعرفون الغدر ولا الخيانه
تاريخهم معروف من ماضي الجيل
اهل الفعول اللي عليها ضمانه
كلمات اغاني جفران بن هضبان الرجال الحلاحيل
غناء : جفران بن هضبان
كلمات : مقعد الهباع
الحان : جفران بن هضبان