كلمات الرساله محمد يوسف
هنعيش ندافع عن ترابها في أي حاله
في أيد هتبني وأيد هتمسك السلاح
ولا عمرهم هيفرقونا استحاله
لشعب مصر جيشنا بيوجه رساله
في كل شبر من الصعيد ولحد سيناء
واقفين رجال زي الأسود حبك مالينا
هنوصل بر الأمان لو مهما كان
أطمأني يابلدي ده انتي في أيد أمينه
ميكفنيش لو قولت جوا القلب أشيلك
والعمر كله يروح يا مصرنا في سبيلك
أنا عندي أموت ولا حد يلمس يوم ترابك
مفيش في كل الدنيا دي أبدا بديلك
هسيب وصيه لأبني لو نولت الشهاده
يحب مصر حبنا بعد العباده
يخاف عليها ويبني فيها طول حياته
وحبه ليها يملي قلبه بالسعاده
حالفين يمين نحميكي من كل الأعادي
وبدمي أفديكي أموت وتعيش بلادي
برفع بأيدي في السما علمك قصادي
يامصر لينا تسلمي بهتف وأنادي
ماسك سلاحي علي الحدود واقف حاميكي
يا أغلي حاجه في الوجود العين عليكي
أنا كل يوم سهران عشان أحفظ أمانك
دي أقل حاجه يا حبيبتي أعملها ليكي
بص بعيونك في التاريخ دور تلاقي
حب الوطن ده في دمنا ومعانا باقي
نفديه بروحنا يا كل روحنا لو حد ماسه
والشعب كله يبقي 100 مليون فدائي
كلمات اغاني محمد يوسف الرساله
غناء : محمد يوسف
كلمات : مودي نبيل
الحان : احمد العربي