كلمات الرفيق الكفو ماله عوض ولا بديل جفران بن هضبان
ما خسر وفاه لو كان يخسر منكبه
الامانه عجز عن شيلها الضلع الطويل
ورغم هيبتها استقرت على عظم رقبه
كان وجه الرجل ما يستره فعل الجميل
ما استتر من شعر دقنه ولا شعر شنبه
يارفيقي لا يهمك كثير ولا قليل
طب في سوق الوفا واطلب اللي تطلبه
فالح الغنامي
في مواجيب الخوي مانعرف المستحيل
دايم الطيب تهون الخساير بسببه
قدر منهو يجمع الطيب والساس الاصيل
اكبر من اللازمه واكبر من الموجبه
عز يانورن تجلا مثل مطلع سهيل
اكتسح ضوحه جميع النجوم المرقبه
أشغل وكالات ناسا ولاجابوا دليل
يبحثون بعيد والنور من وصط تربه
سفر الدغيلبي
نور حفل مكرم الضيف مزبان الدخيل
لو يعقب سهيل فأول طلوعه عقبه
كل شي له شبه فالحياه وله مثيل
غير فايز ما خلق له مثيل ولا شبه
من كثر ما اشوفه اخو وولد عم وخليل
ماقفي معه اكبر من النظم والملعبه
الرفيق الكفو ماله عوض ولا بديل
ماهو بسن تخلعه وسن تركبه
مرهب البقمي
انحفظ قدر الخوي ونحفظ قدر الزميل
اترك الي فالمراجل وسيع مذهبه
ما بخل في الواجب الا البخيل ابن البخيل
ولا بخل في شعره الا ضعيف الموهبه
اعتنز يبن معنز والجبل ضله ضليل
انت اخو مرهب وريث الفعول المرهبه
قول ميدالقهوجي حط بن وحط هيل
ولا استوا الفنجال للراس صبه واشربه
سلطان الهاجري
كيف وانته من شجرة لها ظل ظليل
من مدح ربعك تعلا علو و مرتبه
البقوم اهل التوايخ جيل بعد جيل
يا منافسهم على المجد ما عندك جبه
كان مجدك كم صفحة ومن هذا القبيل
البقوم أمجادهم ربعها عن مكتبه
عزوة يطمع بها اللي معه سيف صقيل
وان وصلها شاف بيمينه السيف اخشبه
معتق العياضي
كلمات اغاني جفران بن هضبان الرفيق الكفو ماله عوض ولا بديل
غناء : جفران بن هضبان
كلمات : نخبه من الشعراء
الحان : جفران بن هضبان