كلمات الرقم الاول محمد احسان
والزمن ميل عليه ودار لي ظهره
مانصيت اهل السوالف مكثرة العلوم
الي ماتملك من العلم غير البربره
مسندي راعي المواقف وقضاي اللزوم
شيخ قوم ساعة الضيق كل يذكره
خالد صبيان لا كبرت القاله يقوم
هيلعي للامور القوية ندخره
نسل شوخ فالمواقف يضدون الخصوم
كم عقيد من سطرهم يجيبون خبره
وفعل ابو الوليد بين عسى عزه يدوم
فعله الطيب مابين النشامي يشهره
مجلسه هذا مسير وذا جاي معزوم
ياعسى يفداه من باب بيته سكره
والله من باب الطناخه ومن باب السلوم
شخص من كل النواحي يسمي مفخره
اللي ماهو مثل خالد علي العليا جزوم
والله انه مايحرك من الشعر شعره
الرجال اشكال والناس معطي ومحروم
مير ابو الوليد نادر وفعله ندره
منفرد بالرقم الاول ماتشبهك الرقوم
في شجاعه في كرم في حميا ونعره
كلمات اغاني محمد احسان الرقم الاول
غناء : محمد احسان
كلمات : الشيخ بدر بن مذكر بن عصاي
الحان : محمد احسان