كلمات الرمي العشوائي سعدون الساعدي

عليمن ثارت الچيله يهل ناس
هوه اليرمي لاغيره ولحساس
ضم چيلاتك ولا تطش بيهن
باچر عايل ايندمك عليهن
اتفاگ اعداك من يوجع رميهن
تجر صفتات تبقى وتدگ ع الراس
ما بيها شجاعه ولا رجوله
برمي العشوائي موتت الطفوله
باچر بالفصل شنهي التگوله
لا عندك عذر ونگول لا باس
مابيها سباعيه وشهامه
الزين اليستر اخوانه وعمامه
احفض ماي وجهك والكرامه
صعبه الغيره اذا بل رجل تنداس