كلمات الروس معصوبه جفران بن هضبان
كتبك ورسلك على الأقوام مرسلها
يرجيك عبدا تثاقل يحمل ذنوبه
رجواه روحه عسى رحمتك تشملها
الأرزاق في اللوح والآجال مكتوبه
والنفس يتبع هواها من يجاملها
في الشعرانا شاعر ماغير أسلوبه
يحفظ حقوق الشعر ماهو بيجهلها
الناس مع رحلة الأيام منكوبه
وادنات حاجة من الشاعر تزعلها
واللي من الكبر ماعد يوسعه ثوبه
يلقى ثياب على قده يفصلها
لا يشغل اللي يصور ماحد صوبه
لو يتصنع كبير القوم وأعقلها
لايحسب ان العرب في شبه غيبوبه
كل يشوف الطبيعه ويتأملها
المرجلة راس ضلع تتعب دروبه
خلو ضعيف الجهد ماهو بواصلها
اترك رجال من الأفعال مسلوبه
وانصى رجال تسابقها فعايلها
المدح يزهى المديح و حان ماجوبه
في جرشبي خذا الأمجاد بكملها
ناره على الطيب والطالات مشبوبه
واحمول ربعه لاياثقلت تحملها
المال مايكنزه في داخل جيوبه
في البنك حتى حساباته مقفلها
مسخيه في واجبه لابان مطلوبه
وبعض اليتاما لوجه الله كافلها
والموقف اللي عليه الروس معصوبه
تحتاج فيه القيبله من يمثلها
يقلط له خزام والوقفات محسوبه
واذا تقدم بني ماهد يجملها
واللي نواياه مغشوشه ومقلوبه
ياطاء على صابره حتى يعدلها
المحزم اللي يجمل من تعزووبه
كساب نعم من أخرها الى أولها
معلومات الاغنية
مهداه لرجل الأعمال خزام بن منير بن جرشب
كلمات الشاعر جعفر بن جرشب
اداء المنشد جفران بن هضبان
كلمات اغاني جفران بن هضبان الروس معصوبه
غناء : جفران بن هضبان
كلمات : جعفر بن جرشب
الحان : جفران بن هضبان