كلمات الزقاعين ركن المرجله حمد الطويل
عندي من الشعر مايدهش عقول الملا
شاردات الفكر وقت الطلب متسلسله
من خزاين فكري اللي مليه من الى
جيتكم بـ أبيات قبلي ماهيب امقوله
تو معناها اكتمل واستوى معي اولى
اكتمل يوم الفرح صايرا على أكمله
وضايق البال اختفى منه الضيق وسلا
في زفاف اللي عسى الله يطول بمهله
بارك الله له ويكفيه من شر البلا
ياسعد سعدت بأيامك اللي مقبله
طاب حظك لك نزف التهاني من غلا
والحفل عامر بضيفانه اللي جو له
تتسع بالعين لو المضوف بها امتلا
ال شاهر رحبو وكل واجب تكمله
ارحبو يامرحبا ياهلا ومية هلا
بالضيوف اللي ترود المحل وتدهله
من ربوع ومن معارف رفاقه وزملا
ارحبو عند الزقاعين ركن المرجله
قوم تروم المواجيب وتروم العلا
ارحبو ترحيب يسمع صداه وندبله
في محل ينصى له ولا اهله ببخلا
ضيفنا بالكلمه الطيبه نستقبله
البشاشه واجب اهم من شرب وكلا
نجلي عماسه ونبعد همومه وزعله
هذي حقوق الضيافه كذا ولا فلا
والمقام اكبر من الوصف بمية مرحله
محتواه وموجزه مرحبا يامسهلا
كلمات اغاني حمد الطويل الزقاعين ركن المرجله
غناء : حمد الطويل
كلمات : نايف بن سعود ال شاهر
الحان : حمد الطويل