كلمات السقايين سيد درويش
متعرفتين م الكوبانية
خواجاتها جونا حايطفشونا ليه بيرازونا دي صنعة ابونا
ماتعبرونا ياخلايق
عملوها فينا طيب رضينا مايلزقونا ويشغلونا
وينفعونا ياخوانا
اشمعنى يعني ياولوويني ياكلوا الصينية وياخدوا الماهية
م الكوبانية علاولا
وابن البلد دي يطفح الدردي مايتعدلشي يمكن مايطولشي
يتعشى طرشي يعوض الله
يعوض الله ويهون الله داحنا بنسير حسبة بتباشير
وشكوكنا كتير واهيه ماشية
يهون الله يعوض الله ع السقايين دول شقيانين
متعرفتين م الكوبانية
خواجاتها جونا حايطفشونا ليه بيرازونا دي صنعة ابونا
ماتعبرونا ياخلايق
دي شركة غلسة ميتها نجسة تلقاها حدقة وخضرة وزرقة
وقال ايه رايقة دي لهجة
اخيه عليها بيحطوا فيها كربونات ونبيت وفوسفات كبريت
وبودرة عفريت هااواو
يابنت ياللي واقفة على البهلي ماتندهي لي دي ميتي نيلي
اشربي وادعيلي يعوض الله
روحي الوي بوزك فى وش جوزك خليه يطير ويجيب لك زير
وانزلي تكسير فى الحنفية
يهون الله يعوض الله ع السقايين دول شقيانين
متعرفتين م الكوبانية
خواجاتها جونا حايطفشونا ليه بيرازونا دي صنعة ابونا
ماتعبرونا يا خلايق
كلمات اغاني سيد درويش السقايين
غناء : سيد درويش
كلمات : بديع خيري
الحان : سيد درويش