كلمات السوشيال ميديا احمد الدوجري
هلاهيل يطنططو
وعيال هلافيت بتكرت
وكبار يستعبطو
وقفت في الاوضه خمسه
والرينج بتظبطو
حطت فلتر انيستا
وبداو يشيرو
دي بنات فلاتر منها ياساتر
عملالي فرجينيا
جيبالي ايفون وفي المرايه
تبقي كيوته في ثانيه
كفياكو كدب وكفايه غش
ده مسيركو هتبانو
دي عملي فيديو مول انيستا
بقي ليه يابا كيانو
مشاهير عماله تظهر
وانا في الحياه مطحون
ونجوم في الميديا كبرت
الله يكون في العون
في فلوس عماله تصرف
اصل الجدع مديون
نسالهم مين بيكرت
يقولولي ده اكسبلور
رجاله خابت وهيبه غابت
كله عاوز تسيط
وطنط طالعه جيبالي اونكل
عاملي فيها عبيط
والحاجه خارجه تعملي فيديو
بتقول في ست البيت
دي بجد باظت الدنيا خربت
والجهل بقي بيزيد
يوتيوبر بقي ناجح دكتور
قاعد في البيت
ومبادي الخلق غابت
وماشيه بالتكريت
وولادنا بقيت بتسعي
في شهره وتريندات
ومدارس والله فضيت
والعلم في الايباد
اعلامنا قايم يابا نايم
مين فيوهاته بتزيد
اغنيه جامده وحركه حلوه
عليوه عور عيد
طب واللي دارس علي نفسه قارص
وواقف في برد شديد
كله بيشقي في اكل عيشه
مش بالعلام ياعبيط
رايح يعملي باقه ياناس بعشره
جنيه وجايبلي رينج لايت راشقه
ياناس في عنيه وكمان عملي لايف
بيقولي كافو كبس اتكسف علي دمك
ده انتو عيال تحبس
كانت زمان ماشيه ده ابن فلان وفلان
دلوقتي يابا ماشيه متابعينك بقو كام
متوثق يبقي ناجح والناس تجيله سكه
من حقه ياسطي صورته فوقيها علامه زرقاء
التكنولجيا خلتها خل
خربت يابا و باظت
بقي كل واحد ماسك
موبيله مشاعرنا
يابا ماتت
حبه زراير علي الابليكشن
خربتها وفي ثانيه
فين لما كنا متجمعين
قدام القناه التانيه
مستنين اسماعيل ياسين
فيلمه يجمعنا
ونجيب تسالي ونبقي
واحد الدنيا كانت دنيا
ماهوه من ساعه
ما الفون ظهر خربت بقي عقولنا
ياريت تبقو دلوقتي ارتحتو
محنا ياما قولنا
لا بقبنا نسال والا بنعرف
مين مات ومين تعبان
العزا بقي علي الماسينجر
يابا البقاء لله
ياريت تفوقو عشان بجد
الوهم ده سارقنا
لازم نحاول بكل جهد
نظبط بقي حياتنا
ماهوه عيب حته حديده
تعلي بني ادمين
وفي نفس الوقت برضه
تخرب بيوت وتهين
من قبل ما والله تظهر
كنا تمام حلوين
علي بعضينا بنسال
وصحبه متجمعين
كلمات اغاني احمد الدوجري السوشيال ميديا
غناء : احمد الدوجري
كلمات : احمد جابر
الحان : احمد الدوجري