كلمات السوق الشرقي في الرحاب محمد الريس
بقت دايرة خالص هباب
شباب كثير علي بنات
يصورو في فيديوهات
يااخونا الجري ع الفلوس
خلت بنات كثير تبوظ
مفيش قناعة في النفوس
مفيش رقابة في البيوت
متعلمين لكن مفيش علام
مفهومش حتي ذرة احترام
مبدأها ف الحياة دا كام بكام
مثلها الاعلي عملة الدولار
عيال بسيرة الشهرة موهميين
هقول لمين ياناس وهروح لمين
ما الاب عارف بنته رايحة فين
ممشياه بكفيها من سنين
بضاعة بايظة سوق رخيص
لحم ببلاش و الدنيا بيس
العقل عقل شيطان خسيس
بس التنفيذ دا للإنسان
خلاص وصلنا للجنون
اتعري لو شايف زبون
ازاي نفسك عليك تهون
ازاي يا ليدي ازاي يا مان
ياعم لف دور كما تشاء
كما تدين اكيد لازم تدان
مش دايمة هي لحد من زمان
واخرها متر ف التراب مكان
كلام كلام تعبنا من الكلام
صور و فديوهات ولاد حرام
شخلل جيبك هتركب السلام
بنات بلاوي خارجة عن النظام
لبست مقطع هزه طولها
شباب تعبانة سقفولها
مشيت فرحانه بجمالها
و مرمغت سمعت ابوها
المجتمع محتاج صمولة
الهلس فيه عليه عمولة
يا الف رحمه عل الرجوله
ولادنا الغرب دمروها
تيك توك والتريند دا المهم
اخلاق أو احترام ماتوم ياعم
النت حول الحياه ل سم
وبقينا نشوف كتير حجات غريبه
شباب بقت تقول اوحش كلام
فاتحين لايفات والجو مش تمام
واهلهم عشانهم شقيانين
ومحدش حس فيهم ب المصيبة
لابص بص الاندهاش
البت طالعه بدون قماش
بتقول للواد حولي كاش
البنك لسه متملاش
الشاب يشتغل شهور
ويروح يصرف علي الفجور
تيك توك مين ياعم غور
معرفش ليه الكل طاش
بتعمل ايه ياعم عيب عليك
ولية بتجري علي الي بياذيك
فاكرها قاعدة ياابني حب فيك
اكيد طمعها في جنية معاليك
بنات كلامها ضحك ع الدقون
سواء مكامله كاميرا او فون
مهماش تكون او لا تكون
اهم حاجه تدفع الرسوم
تطبيق قالب نايت كلااب
تخش بنت يخش شاب
قله ادب مصبوبة صب
شيطان قاعد يصطاد بهلب
تقبل نصيحه الكبير
لية تخش برجلك الجحيم
خليك يا اخويا علي السليم
يسترها ربك المعين
كلمات اغاني محمد الريس السوق الشرقي في الرحاب
غناء : محمد الريس
كلمات : ابو فرحه
الحان : محمد الريس