كلمات السولعي محمد المنهالي
يا السولعي يا أتلع الجيد
هجرك بلا سبه حرامي
لا تستوي في طبعك عنيد
تليتني تل الضوامي
تل الرشا اللي يمه بعيد
وجه يشع تحت اللثامي
يشبه قماري ضية العيد
شكل عديم في الأنامي
ماخذ ملامح قايد الغيد
منشول شعرك للأقدامي
و عود زها بشكل فريد
خصر خفق فيه الحزامي
معزل من الوسط و يميد
كن بخدودك ورد شامي
يانع و فيه الحمرة تزيد
ثغر حواء در النظامي
في شفتك جمر مع جليد
و أعيان ترمي بالسهامي
عين الوضيحي في مباريد
يعل دارك ماء الغمامي
يكمل اسبوعين ويزيد
ويرتاح به حلو الوشامي
الريم ياللي قايد الغيد
معلومات الاغنية
من أشعار صالح بن العنيدي
ألحان عنيد
غناء محمد المنهالي
توزيع ابراهيم السويدي
مكساج انس الباروكي
اشراف فهد الياسي
كلمات اغاني محمد المنهالي السولعي
غناء : محمد المنهالي
كلمات : صالح بن العنيدي
الحان : عنيد