كلمات السين لغز الحرب والنصر للجيم جفران بن هضبان
عصماء يشرفها ربيع المخيزيم
في محفل عياله وحفلة حفيده
سعود يستاهل من المدح تكريم
هاك القصيده والمعاني جديده
من شاعر فرائده تبري الهيم
ما رحت ادور للطريد الشريده
في صدر اخيك اجزالها رتع ومقيم
ما غير اغذيها وحيده وحيده
على ضفاف النيل بيض مخاييم
يغنيني الله ما تبعت الطريده
اللي عليها للبوارد مواسيم
وسعة محميات جل الفريده
اللي ترب فياضها قايد الريم
ما ترعي الى كل عوبا عنيده
بالوصف كنها من بكار المخيزيم
لا سرحوها للمنصات سيده
ماهي تمر شبوك سمل المجاهيم
واليوم في حفل الحصان الوليده
اثريت سمع محللين المفاهيم
الطيب ساسه والمراجل رصيده
منها نزعت الموهبه والمقاسيم
موارث فيها الهقاوي بعيده
بيت الظفر بيت الكرم والمعازيم
بيت لعطران الشوارب وعيده
من كل فج للركايب دواهيم
من ال جابر والعضيد ل عضيده
شيوخ يام ومرجع للمخاصيم
اليا اعتزو ب مصقلات حديده
سيوفهم على الفرايص محاجيم
البيرق اللي كان تامر عبيده
خلو شيوخه والمقادم مخاديم
ومن كان له حق حصل ما يريده
العز ساعه والندا قوم النيم
والصبح كلن تحت بيرق عقيده
السين لغز الحرب والنصر للجيم
حرب ضروس للعدا مستبيده
قالو بهم واخلو سروج الملاجيم
شعف الحيا يبرق وتسمع رعيده
صوت البنادق واصتفاق الصواريم
كم فارس تنعاه قومه فقيده
تحت حوافر خيلنا يشكي الضيم
عقب المجوخ والحياة السعيده
خلوه للضبعه عشاء والمحاويم
منظمات جاتنا مستفيده
واللي وراها بالعداوه مكاضيم
نصدم دول ما حن نصادم بديده
تحت البيارق ما غدينا مراسيم
يوم اكثر الشعار ما له شريده
سوى تواريخ عليها تراهيم
واليا بغى يلقى العلوم الوكيده
ينشد من اللي يذبحون المراديم
كل اشعف ما ضيع الشدق ديده
زينه اليا طلع من القدر بالسيم
حنا الكرم حنا الكفوف الجويده
البل ذبائحنا طوال الخراطيم
واليوم في ظل البلاد الرشيده
في حكمها كل القبايل مساليم
المملكه دار الملوك الحميده
اللي لهم ترضخ جميع الاقاليم
سلمان جعل ايام عمره مديده
وولي عهده حافظين
كلمات اغاني جفران بن هضبان السين لغز الحرب والنصر للجيم
غناء : جفران بن هضبان
كلمات : علي بن صافيه المري
الحان : جفران بن هضبان