كلمات الشتا هبت هبوبه فالح بن فصلا
واستدار الفكر للابداع وحروف الجزاله
وابتدا الليل الطويل وشب بالهاجوس ناره
ولا بقي الا سجت الافكار والشعر وخياله
ااااركو الدله على نار السمر جال المناره
وتركوني لين اغيب والشعر يصفي مجاله
شاعر يسبح بحور الشعر بعزوم ومهاره
ولرتكى للكايدات اتصير بامر الله سهاله
في عجب عين الرفاقه حاضر ورهن الاشاره
ما تعذر واعتبرني حاضر في كل حاله
ابتجح يابوعلي يامحزم الطيب وشناره
لا توصيني على حفلك ولا ترسل رساله
مرحبا ترحيبتن من قلب ماهي مستعاره
بالنيابه عن بني عمي واقوله بالاصاله
ومرحبا والعود الارزق ماتغير عن مساره
يدرج بين الضيوف وكل ضيف يطيب فاله
ياوغش يا ذخر عود مايحسب للخساره
يكرم الضيفان يوم الناس ماتلقي الفواله
ابن عم فالمواقف يدحم طيب وسطاره
وبالكرم يمناه تندى بالفعول وبالجماله
اصوكن نجمه تعلا مع سهيل وفي مداره
وابلج لا من نصيته ماذخر حاله وماله
عشت ياراس صعاطيره على فعل ونعاره
والحمايا في عروقه تطبخ طيب ورجاله
همت الرجال تعرف من وفاه ومن وقاره
مثلك وشرواك ياحيه وحي الله قباله
ياعلي مبروك ياشبل تعلى فالصداره
بالرفاه وبالبنين وكمل المنسب خواله
يابني صايح لكم في قمه الامجاد شاره
محزم لا جاء نهار الكون يكفيني لحاله
ترثة اللي يمن المظهور بعزوم وجساره
وترتع البل في ذرا سيفه وفي هيبت ظلاله
والله ان المجد يكسب بالفعول وبالجداره
خل عنك اللي يمينه ما تخدم الا شماله
علم اللي يحسبن المرجله توخذ صقاره
لا يزاحمنا عليها ينكشف ستره وحاله
وابك حنا لاد نامر منبع الطيب وشعاره
عزوة حازت على الامجاد بشهود ودلاله
ولا اعتزينا ببن نامر يعجبك فعل النماره
الزحول اتطوع العاصي وتقصر في حباله
لابتن يوم المغازي غاره في سد غاره
كم خصيم حولوا راسه قبل يوخذ حلاله
من سهوم الموت يوم النار تقدح من شراره
لا تعلينا ظهور الخيل نحمي كل قاله
ايه من سمو البقوم وجمعنا صعب انكساره
يوم غارات الحروب وقبل ميزان العداله
والختام الله يعز الحاكم اللي عز داره
رفرفي يا رايه التوحيد بحروف الجلاله
كلمات اغاني فالح بن فصلا الشتا هبت هبوبه
غناء : فالح بن فصلا
كلمات : فهد بن فصلا
الحان : فهد بن فصلا