كلمات الشوارع والبيوت تامر سمير
الحاضر و اللي عدي
و اللي ضاع ويّا السنين
و اللي شوفته في الزمان ده
في الدنيا و الشوارع و البيوت
ناس تعلي و ناس تصارع و ناس تموت
ناس تتلاقي و ناس بتضيع
ناس شاريه و ناس بتبيع
و اللي بيطمع في حق غيره
و اللي بيقبل يبيع ضميره
و اللي بيخلص يكون مصيره
إنه يعيش دايماً حزين
و اللي يفكر ينسى الماضي
لأجل يعيش في حياته راضي
ليه بنقول علي قلبه فاضي
ليه نرميه في الظلم سنين
عايز أعرف مين القاسي
مين فاهم و عقله راسي
مين فينا عمال يقاسي
و مين همه عذاب و سكوت
ناس بتهدك و ناس تبنيك
ناس بتشدك و ناس بترميك
و اللي عايز يرضي غروره
و بالغدر بيلعب دوره
يبيع أصله و يبيع جزوره
و يبيع نفسه و غيره كمان
و اللي بيهرب من إحزانه
و يغير إسمه و عنوانه
يلقى الحزن عارف مكانه
مستنيه بدموع و آلالام
دنيا عامله زي سويقه
فيها ناس ظالمه و ناس بريئه
نفسي أعرف فين الحقيقه
ولا خلاص بقت بتموت
كلمات اغاني تامر سمير الشوارع والبيوت
غناء : تامر سمير
كلمات : تامر سمير
الحان : تامر سمير