كلمات الطله الباهيه عبدالله الصخابره
مابين ظلم الهوى واحلامي الزاهيه
والله ماعانق الفرحه واشوف السرور
لين اتهنى بشوف الطله الباهيه
حضورها لا تجلت غير كل الحضور
تودي الداهيه لا جات في داهيه
الفارع اللي تفرعن بالدلع والغرور
بفعول جدانها ال فلان متباهيه
عيونها ماتصيب الا طويل الشبور
دقة سهم عينها ف القلب متناهيه
طرقا لحق عودها المبري كلافه وجور
من خصرها المنزوي وردوفها الراهيه
تقول وضحا على الباتل تسج القفور
طبوعها كايفه و وصفوها ناهيه
من دونها اهل الدراهم يضربون الصدور
وعيون اهلها عليها ماهي بساهيه
نصارع الشوق ف البعد ونشوف الدبور
وظروفنا الامره ف الوصل والناهيه
ويلي على جلسة فيها تبادل شعور
واسمع سواليفها اللي تفتح الشاهيه
اقدم ع الموت لـ أرضاها وقلبي جسور
ولا جيت ابيها تجيب اعذارها الواهيه
لاقلت جيتك من اللهفه وأموري امور
قالت ماعند إبلنا راعي وانا لاهيه
معلومات الاغنية
كلمات سعد الهوامله
اداء عبدالله ال شثينعبدالله الصخابرة
توزيع وفوكل احمد محروس
مكساج وماسترمحروس عبدالله
كلمات اغاني عبدالله الصخابره الطله الباهيه
غناء : عبدالله الصخابره
كلمات : سعد الهوامله
الحان : عبدالله الصخابره