كلمات الغربة محمد احمد عوض
ما أظن كبدت وحشه ولا حصل طيبت خاطر
انت انسان دنيا تانيه دنيا قانونا المظاهر
هل رأيت عاشق بيبكي ويسقي تارخو بدموعو
وأستنير الكون بفنو في الظلام غرقت شموعو
شفت كيف احساسو طيب وكيف بيعيش أحزانو صابر
انت عينيك ما بتراهو وانت بتشوف المظاهر
هي أعماق يا حبيبي و دي الاحاسيس و المشاعر
رغم حبك للمظاهر و رغم احساسي الغريب
وازديادك في غرورك و مر تجافيك العجيب
برضي مؤمن انك انت أعز وأكتر من حبيب
انت لما توعى باكر و تطرى أيامنا الغوابر
وترجع انت تحن ألي وتبقى أنموذج لشاعر
كلمات اغاني محمد احمد عوض الغربة
غناء : محمد احمد عوض
كلمات : غير معروف
الحان : غير معروف