كلمات الفخر كايد جفران بن هضبان
والطواريق القديمه والجديده
وماشرهت الا على عصما فريده
اتنومس كل ما الناس اسمعوها
ماكتبته بالرعابيب الصبايا
ولا رخصته لجل ادور للعطايا
ذاخره لانشفت حلوق البرايا
ولدت الانظار صوبي واطلبوها
أتقدم بإسمي الي فيه افاخر
والحمايا ذنبي الي فيه اجاهر
والفعول الي لها ماضي وحاضر
صفحة الامجاد ربعي جملوها
الفخر كايد وكسب الطيب كايد
وكاسبين الصيت بفعول وعوايد
للفخر والعز يا تغلب وزايد
كل قمة مجد جوها واعتلوها
الدواسر تنضرب فيها المثايل
للحمايل والعوايل والقبايل
بالفعول الي مثايلها قلايل
المدايح عاشقتهم واعشقوها
والوطن هذا له افضال علينا
ومن سنين يذوق طعم الغبن فينا
وواجب ان نحسن خيار ممثلينا
بعد ماعاثوا بالارض وافسدوها
لادحمنا ندحم كبار الاسامي
بالحصان الي على ربعه يحامي
الامين الصادق الفذ العصامي
ذمته تصعب عليهم ماشروها
كرسي الامه يبي رجل قيادي
لايداهن للفساد ولا يقادي
ماقفه ماينتوصف بالرمادي
اوثقوا ببومساعد وازهلوها
حطوا الامال بـ محمد مساعد
بالنهار الي به الناس اتواعد
لاحتمى الميقاف ماجاك يتراعد
همته مرت سنين ولا ثنوها
يومها بضرب المشوك والهنادي
كم هنوف في فعاليكم تنادي
من تهقوى كسبكم ضايع وغادي
وانتم الي كل صعبه ذلولها
كل شخص حي وبراسه نعاره
اربع اربع لايضيع في مساره
حطوا محمد مع صفوف الصداره
وافرحوا به والنتايج ما اعلنوها
كلمات اغاني جفران بن هضبان الفخر كايد
غناء : جفران بن هضبان
كلمات : مشعل شعلان الدوسري
الحان : جفران بن هضبان