كلمات القلب المتيم فارس مهدي
بشويش بي من جاير الوقت عبره
انا على قل المواصيل صابر
اخاف يفقد فاقد الوصل صبره
ذاك الزمان اللي يسموه غابر
يضيق في متر المخاليق شبره
وانا على رجوى لقانا مثابر
اولم الشمعه ووردي وحبره
واراقب الجوال لوني مكابر
وادفن مشاريه العواذل بكبره
يمكن يجيني نص مفقود دابر
والنص الآخر يكمل ايات دبره
انا اعرف القلب المتيم وخابر
الوجد سوالي من الوقت خبره
مكسور لكن بالملمات جابر
ويدور بفتق المجاريح جبره
اضحك بقيفاني بكل المنابر
والحزن واضح بين نبره ونبره
الحب لوتخفيه عمر وتكابر
يفوح عطره مانفع فيه كبره
كلمات اغاني فارس مهدي القلب المتيم
غناء : فارس مهدي
كلمات : فارس الدبيان
الحان : فارس مهدي