كلمات الليل اقفي علي بن دريميح
والنوم كنه من صبا العـين هـايب
عامين جلاد السهر ما بعد غاب
مافيه ليل اقول هالليل غايب
لين الأمل فالياس من آخره ذاب
والقلب عن نجواه ماهوب تايب
مدري متى بتزول من عندي اسباب
واصبح وانا الخاطر من الهم طايب
ياكـذب من قالوا ترا الحـب غلاب
والله ما غـــلاب غـــير الحـــبايب
المشكله لا جات من عند الاحباب
محدن يفك من الخطا والنشايب
ماهوب ينفع اشكي الوضع لصحاب
يعـني كـــذا ولا كـــذافي عـقـايـب
احـيان تمطـر ذكـرياتي بـ الاهـداب
وللحـزن في صـدري معـارك كـتايب
وماهيب قصة تسهر وتحرق اعصاب
المشـكله من فوقـها الظـن خـايب
لا قـام ظـنـك يـتـربق فـالاطـنــاب
كنــك تـدور بـيت والقـاف شـايـب
لصار تحسـب حسـبة مالها حـساب
تدفـع ورا الحسـبه طعـونك ضرايب
ياليت قربي لحتمى الجوف مرقـاب
اطـلع تنش الصدر صـلف الهـبايب
الحاجه اللي من ورا ستر وحـجاب
اخـشى علـيها مـن مـلام وطـلايب
خلتني ابعد واغسل الصدر بعتاب
امعـاتـب صـدي ولو كان صـايب
الحـظ لامن طـاح وداك الاجـناب
امصيـبة تسحـب وراها مصــايـب
كلمات اغاني علي بن دريميح الليل اقفي
غناء : علي بن دريميح
كلمات : غازي مشخص
الحان : علي بن دريميح