كلمات المجد الكبير جفران بن هضبان
سالم عبدالله بن جمل العجمي
مابين ثلث الليل الاول والاخير
مابين الاوراق وهجوسي وقلمي
الين ماغنيت مايرض الضمير
مايرضي السامع ويرضي محزمي
من بعدها يا هاجسي وانت البصير
مايجهلك ميقاف دمي ولحمي
في ليلتن نعطي البشارة للبشير
واشري دقايقها لو انها من دمي
يا مرحبا بصوت القصى والجهير
ترحيبتن تثنا على طول انسمي
بسم ابلجن ماله شريك ولا خشير
عودن من الامجاد عدن عيلمي
هذاك ابو رديني ضحا اليوم العسير
من دون ربعه قال رزيت اعلمي
يا جعله مبارك وفالك كل خير
ياللي فعول الطيب لأسمك تنتمي
سالم على الخصام احد من الشطير
سالم على الصحاب من فوق اعشمي
حفيد روس القوم والمجد الكبير
شيخ لا مال الوقت ياقف ويحمي
هوادين قدام ينذرنا النذير
اوسومهم لاشافها اطامع عمي
وخوالك اهل الصفر والذكر الشهير
ليل القضا وردو مواريد الضمي
صوالحن تقلط على الجمع الغفير
اليا اعتلا صوت المصقل وارمي
عجمان يوم الوقت والايام غير
طاريهم يرفع قصيدي وسهمي
يسمع بهم الاصم ويشوف الضرير
تاريخهم لو اكتبه جف اقلمي
واختامها شفيعنا يوم المصير
صلو على محمد حفيد الهاشمي
كلمات اغاني جفران بن هضبان المجد الكبير
غناء : جفران بن هضبان
كلمات : جفران بن هضبان
الحان : جفران بن هضبان