كلمات المجهول احمد كامل
وبرد الشتا يعرق كانه عز الصيف
انا اسف على فراقنا انا ملهوف لضي عينيك
انا غرقان في احزاني وليلي قشة وسط محيط محيط
انا ضايع لكن ونسان بشيل همومي وبردو كئيب
في عز سكتة مع التنهيد يا حلم حلمته لسه بعيد
انا شقيان وبدعي الخلق يزيحوا جراح يداووني
يا طير هاجر في عز البرد اتوه فيكم تلاقوني
انا درويشك الطيب لكن في العند ببقى عجيب
سايب ارضي لكني عظيم فقير لا حيلته حيط ولا بيت
انا الملخوم ما بين اوجاع لا عمري الصح زارلي طريق
انا بحار يموت في البحر لكن قدره يموت غريق
يموت غريق
ارمي اللي باقي صفي الدماغ من الطيش
لا عمره فاد ولا يوم هيفيد لا سكر نافع فيك وحشيش
ولا دخان هيتونلي ولا هنسى اللي كان جارح
في عتمة ليل بكون سارح عاقل جدا لكني عبيط
لكني عبيط
هج البحور تغرق عاليابس انت عويل
واديك فى بحر العشق عويم وفاض بيه الكيل
لا عمره كان يكسب انك تعاند بحر
ولا عمر موج يسمح انك تعدى فوقيه
تعدي فوقيه تعدي فوقيه
تعدي فوقيه
يموت غريق
كلمات اغاني احمد كامل المجهول
غناء : احمد كامل
كلمات : احمد كامل
الحان : احمد كامل