كلمات المراجل سوقها حامي بحامي جفران بن هضبان
أعبده وأتكل عليه الشان كله
الكريم اللي يحقق لي مرامي
لارجيته كل صعب هان حله
القصيد الفذ كيفي وانسجامي
يبطي الناقد يعين فيه زله
شوشرت الاعلام ماهيب اهتمامي
عقب اللي راي عقله مايدله
شاعرا مبدع وصمخ الشعر حامي
والجزال أطلع بها فوق المطله
والمواقيف العظيمة للعظامي
في عيون اللي لهم مذهب ومله
والحفل ذا الليل كارب له حزامي
العذر مرفوض مهما كان لله
ياسلامي يا فخر دولات يامي
عد براق المزون المستهله
ياعوانينا ليا زاد الكلامي
مدحكم في ذمتي أنه في محله
يافرج صوت لعايض والهمامي
يا ذرانا في الليالي المشمعله
بارك الله في زواج أبناء الكرامي
والله اني فرح واني محتسي له
فعل ابيكم يمضي السيف الحسامي
من شكى جور الزمن يزبن لضله
النعم مكسب سعد وافي المقامي
سعد والله عين منهو محزم له
ابو خالد يعتزي ويشـق خامي
بالفعول اللي تثبتها الأدله
أبلجن من هيبته ترد الظوآمي
وان نخيته يعقد الحبل ويحلـه
لا نزل منزله من فوق آلغمآمي
والوفاء والطيب في راسه جبله
آلمراجل سوقـها حآمي بـحآمي
والحمل لآ مآل بمتونه يشله
منهج أبن فريج بين الخلق سآمي
وفزعته تبري خفوقن فيه علـه
ماخذن تاج المفاخر وآلوسآمي
ودون ربعه ينـثـني ما جاه ذله
كم عقيدن گل ما ثار العسامي
في دقلكم حذف به والشاهد الله
ال عبدان قبل حكم الأمامي
تلطم الحف المعادي ما تزلـه
بالهنادي تحتمي دون الجهامي
وتعتلي بالعز من فوق الاهله
كلمات اغاني جفران بن هضبان المراجل سوقها حامي بحامي
غناء : جفران بن هضبان
كلمات : جفران بن هضبان
الحان : جفران بن هضبان