كلمات المرباع ماجد خضير
عزي لحم الذرا من سهلةً دونه
وين انت يالي تعاني من غلا الناقه
العشب قامو عسوس البدو يطرونه
سيل و نبات وعليه ارشوشٍ ادقاقه
مافيه غير ام سالم ترفع اللحونه
يدفع لهن لايتحرا اللي على الساقه
مدرج الضلع اللي تقصر اضعونه
البل تبي واحدٍ ماتنثني ساقه
ليا مشى مالتفت للي ينادونه
يشلع مثل شلعة اللي فك مسباقه
من طاع بعض العرب بالراي يعمونه
اللي يخلي العشاير تونس الفاقه
ياخذ ثمنهن ويقعد عند مظنونه
لايعاين اللي طراة القفر ماذاقه
يشرب لبنها وهي بالشبك مسجونه
يسكر الباب ويطالع مع الطاقه
مبليةٍ فيه لابلى نص مليونه
ماهو من الي لزين الوضح عشاقه
من وين مايذكر المرباع يصلونه
اليا خذا يوم عنها شانت خلاقه
ون قل عنها العلف مانامت عيونه
معلومات الاغنية
كلمات : خليف خلف الرشيدي
أداء : ماجد خضير
توزيع : صروح الفن
تصميم : ابراهيم
كلمات اغاني ماجد خضير المرباع
غناء : ماجد خضير
كلمات : خليف خلف الرشيدي
الحان : ماجد خضير